Account kaihhnawih

1. Runmawi app hi tinge login ṭhat reng a ngaih?
   Runmawi app ah hian a rualin vawikhat chiah a login theih. Phone dangah i login chuan a hmaa i login na phone aṭang khan a logout nghal ang.
2. Login OTP ka dawng thei lo?
   OTP hi network vangin thlen tlai chang a awm ṭhin a, a chang chuan nghah rei deuh a ngai ve ṭhin. Rei tak i nghah hnua i dawn loh chuan kan support number ah lo call la login dan tur kan lo hrilh ang che.
3. India ram pawn ah SMS OTP ka dawng ve thei lo?
   International SMS kan thawn thei lova, login hunah "Get OTP in email" thlan tur a ni.

Payment kaihhnawih

1. Payment ka tih zawhah ka la en thei chuang lo. Pawisa pek ngai angin a la awm?
   Payment tih zawh velah khan page refresh hun ngha tur a ni a. Back emaw Refresh i hmeh chuan payment kha a in update lo ṭhin. Technical issue pawh awm thei a ni a, harsatna i neih chuan kan phone emaw email ah khan min rawn contact dawn nia.
2. Ka pay ve thei lo, Payment fail a inti char char, enge a chhan?
   Bank lamah hian Technical error a awm ve thin a. Payment failed anga inziak, bank aṭang pawisa in deduct tho si a awm thei. Chutiangah chuan Payment Status min rawn zawt fiah turin kan ngen a che. A theih chuan Payment confirmation receipt screenshot email ah i lo thawn tel dawn nia. Keimahni lamah payment kan dawn loh chuan, bank lam atang an rawn refund leh ang.
3. Payment ka ti double palh, min refund thei em?
   Thei e. Double payment ngei a ni tih kan fihfiah anga, kan refund leh nghal ang.
4. International payment a theih em?
   Tunah hian hma kan la mek a, bank lamin an pawm hunah India ram pawn aṭangin payment tih theih a ni ang.
5. India ram pawna awm tan engtin nge payment tih dan tur?
   Kan email ah min rawn bia ula, payment tih dan tur kan lo hrih ang cheu.
6. Online payment ka hmang ngai lova, lei dan dang a awm em?
   Kan support number ah emaw email hmangin min rawn bia la, i remchan dan azirin kawng kan lo kawh hmuh ang che.

Video player kaihhnawih

1. Video player ah hian quality a thlan theih em?
   Mobile app ah te hian quality a thlan theih vek. Video i play tirh khan i internet speed azirin quality a inthlang ṭhin a, buffering a tam chuan a aia hniamah thlak theih a ni. Web version erawh quality thanna a awm lova, i internet speed azirin HD emaw FHD quality hmangin a in play ṭhin.
2. Web version (runmawi.com) aṭang en ka tum a, video a in load thei lo.
   Browser support bik-ah chauh video hi play theih a ni a. Browser support hmang ten video an play theih loh chuan page refresh a ngaih chang a awm ṭhin bawk.
3. Engtin nge TV ah ka en theih ang?
   TV a en theih dan kawng hrang hrang a awm a;
   1) Android TV app kan website aṭang download theihin a awm. TV app ah i login anga, i lei tawh sa zawng zawng a lo awm nghal ang.
   2) TV in Chrome browser a support chuan, runmawi.com ah login-in a en theih bawk.
   3) Phone aṭang screencast (mirror) ti duh tan browser aṭang login tur ani. Android App aṭang chuan screecast a theih loh.
   4) I phone in Type-C to HDMI a support chuan, HDMI cable hmangin en theih bawk.
4. Runmawi app hian tinge browser support bik a neih?
   Security leh Privacy issue avangin browser support bikah chauh video te hi play theih an ni.

Customer support kaihhnawih

1. Customer support number hi pakhat aia tam in nei em?
   Kan support number ah hian phone number panga a in thlunzawm a. Mi hrang hrangin kan vil reng e.
2. Email in rawn be ta cheu ila, engtikah nge in chhan ṭhin?
   Kan hmuh veleh kan reply ṭhin. Detail deuha rawn ziak nghal an awm chuan kan hmuh rualin harsatna te kan chingfel sak nghal bawk. Working hours ah kan average response time chu 8 minutes a ni. Internet chak loh chang te a awm ve thin a, chutiangah chuan kan tlai hret ṭhin bawk.
3. Tinge ka phone call in va la thei lo ve?
   Working hours ni lo-ah chuan phone khawih loh chang te, buai chang te kan lo neih ve ṭhin avangin kan lo miss palh thin a ni. Phone call kan lak theih loh chuan email ah message lo thawn la, kan hmuh veleh kan buaipui ṭhin.