Chhingkhual La nu
Hminga leh Dr. Zonuna hi unau inhmangaih tak niin nu leh pa te nen khawsa thei tak chhungkua an ni. College zirlai Hminga chuan hmangaih em em Numami a nei a. Tum khat chu Hminga leh a college kalpui thenkhat te nen Bairabi ah picnic in an kal a. Chutah chuan hmeichhe tleirawl nula ve ek ek tawh Zodini rilru hah taka lo awm chu Hminga chuan tawngin rei tak an titi dun hnu chuan an chesual dun ta a.
Hun te a lo inher zel a, Zodini chuan nau a lo pai ta reng mai a, chuvangin a nuhrawn chuan a hnawtchhuak ta a. Api belin Kolasib ah a awm ta a. Ni khat chu Zodini pumna chu damdawi inah admit a ni a, nau a chhiat hlauh a, chuta amah lo buaipuitu Dr. Zonuna chuan Zodini chu a khawngaihin a hmangaih ta tlat mai a, nupuiah hial neih a duh ta.
Hun te a lo inher zel a, Hminga chuan a hmangaih em em Numami chu a nei ta a. Chutiang bawkin Dr. Zonuna pawhin a thinlung luah em emtu Zodini chu nupuiah a nei ta bawk. In khata han cheng ho chho ta chu hun lo inher chho zel chuan Hminga leh a lo chetsualpui ve zuai tawh a u nupui lo ni ta Zodini te inkar chu thup sen a ni ta lo va.
Chhungkaw hlim tak ni thin kha Hminga hun hman dan hmasain engtiang chiahin nge an chhungkuaah harsatna a thlen chhoh zel tih chu he "Chhingkhual Lanu" Movie ah hian tarlan a ni dawn a ni.
.webp)
